د عامې روغتیا وزارت څارنې او پلټنې رئیس، ډاکټر کریم الله حلیمي د کابل ابن سینا صدري روغتون له خدمتونو نظارت ترسره کړ
د یاد نظارت په ترڅ کې چې موخه یې په ټول هېواد کې له دولتي او خصوصي روغتونونو بشپړه څارنه، د چارو شفافیت او په معیاري توګه هېوادوالو ته د روغتیايي خدمتونو وړاندې کول دي، د څارنې او پلټنې رئیس او مل پلاوي د ابن سینا صدري روغتون ټولې څانګې ولیدې، د ناروغانو احوال یې واخیست، د هغوی د روغتیا هیله یې څرګنده او د بشپړې پاملرنې ډاډ یې ورکړ.
د څارنې او پلټنې رئیس دغه راز، روغتیايي پرسونل ته سپارښتنې وکړې، چې د ناروغانو ستونزو ته د رسېدنې او درملنې برخو کې له هېڅ ډول هڅو او کوښښونو درېغ ونه کړي.
