د عامې روغتیا وزير د هسپانیې له سفیر سره لیدنه ترسره کړه
د افغانستان اسلامي امارت د عامې روغتیا وزير، ښاغلي ډاکټر قلندر عباد په خپل کاري دفتر کې د افغانستان لپاره د هسپانیې له سفیر، ریکارډو لوزا سره لیدنه ترسره کړه
په دې لیدنه کې د عامې روغتیا وزیر، ښاغلي ډاکټر قلندر عباد د افغانستان لپاره د هسپانیې سفیر سره په دې وروستیو کې په بامیان ولایت کې د څو تنو هسپانوي سیلانیانو د مړینې او څو نورو د ټپي کېدو له امله خواخوږي څرګنده کړه.
له بل لوري د هسپانیې هېواد سفیر د عامې روغتیا وزارت له رهبرۍ څخه د بامیان ولایت په وروستۍ پېښه کې د ټپي شویو هسپانوي سیلانیانو روغتیايي حالت ته د رسېدنې او درملنې په موخه مننه وکړه او د خپلو دومداره همکاریو ډاډ یې ورکړ.
