په ټول هیواد کې د روغتونونو څیړل او د درجه بندۍ لړۍ پیل شوه
د افغانستان اسلامي امارت د عامې روغتیا وزارت له لوري په هېواد کې د روغتیايي مرکزونو د درجه بندۍ پروسه له مرکز کابل څخه ولایتونو ته وغزېده
د دې پروسې موخه د یو معیاري چکلېست له مخې د هېواد د ټولو روغتونونو د روغتیایي خدمتونه معیار معلومول دي.
د روغتونونو د درجه بندۍ دا پروسه، چې عملاَ یې په فعالیت پیل وکړ په ترڅ کې به یې د لومړي ځل لپاره د ننګرهار ولایت د روغتیایي مراکزو او خصوصي روغتونونو خدمتونه د یو معیاري چکلېست له مخې وڅېړل شي او له مخې به یې په یاد ولایت کې د روغتونونو درجه بندي ترسره شي.
د یادونې وړ ده، چې دغه پروسه به په نږدې راتلونکي کې د هېواد په نورو ولایتونو کې هم عملي شي.
