د عامې روغتیا وزارت سرپرست د ماشومانو د ساتنې د نړیوال سازمان له استازي سره وکتل
پنجشنبه، تله ٨/١٤٠٠
د عامې روغتیا وزارت سرپرست ډاکتر قلندر عباد، نن د یوې ناستې په ترڅ کې د ماشومانو د ساتنې نړیوال سازمان (سېو د چلدرېن) له استازي سره د خپل کار په دفتر کې لیدنه او خبرې وکړې.
په دغه لیدنه، د عامې روغتیا وزارت سره د دې سازمان په ګډه همکارۍ په ځانګړي توګه د ماشومانو روغتیایي وضعیت څخه د ملاتړ په اړه بحث او تبادل د نظر وشو.
د عامې روغتیا سرپرست په افغانستان کې د دغه سازمان د همکاریو قدردانی وکړ او په افغانستان کې یې د هغوی پر لا زیاتو همکاریو ټینګار وکړ.
ډاکټر قلندر عباد زیاته کړه چې د میندو، ماشومانو او اړمنو خلکو لپاره په افغانستان کې د نړیوالو روغتیایي همکارانو مرستې ډېرې حیاتي دي او نړیوال سازمانونه باید د اسلامي امارت د اصولو سره سم د روغتیا په برخه کې خپلو همکاریوو ته دوام ورکړي.
د عامې روغتیا وزارت سرپرست د ماشومانو د ساتنې نړیوال سازمان ملاتړ وکړ او زیاته کړه چې د عامې روغتیا وزارت په ټولو شرایطو کې ستاسو سره همکار دی او ستاسو د هڅو ملاتړ کوي.
په ورته وخت کې، د ماشومانو د ساتنې نړیوال سازمان د عامې روغتیا وزارت له ملاتړ څخه هرکلی وکړ او ویې ویل موږ ژمن یو چې افغان ماشومانو سره د تغذیې، درملنې او نورو برخو کې خپلو مرستو ته دوام ورکړو او په پام کې ده هغه ولایتونو کې چې هلته د Save The Children دفتر فعالیت ولري څو ګرځنده ټیمونه چې روغتیايي خدمتونه وړاندې کوي رامنځته کړي ترڅو هغه سیمې چې د لومړنیو روغتیایي خدمتونو وړاندې کولو ته اړتیا لري تر پوښښ لاندې را ولي.