په غور او بدخشان ولایتونو کې د خوراکي توکو، روغتیايي محصولاتو او درملو له یو شمېر عمده پلورنځیو څخه نظارت تر سره شو
دغه نظارت چې د یاد ولایتونو د روغتیايي مسؤلینو له لوري تر سره شو، پایله کې ۳۵۰ قلمه خوراکي توکي او ۲۰۰۰ قلمه له نېټې تېر درمل او روغتیايي محصولات په بدخشان ولایت کې راټول او د له منځه وړلو په موخه مرکزي ګدام ته ولېږدول شول.
همداراز، د تېرې یوې اوونۍ په ترڅ کې غور ولایت کې هم ۳ ټنه خوراکي مواد او درمل راټول شوي وو، چې د اړوندو مسؤلینو په شتون کې له منځه یوړل شول.
