د خصوصي روغتیايي انسټېټیوټونو د تحصیلي کیفیت د لوړولو په موخه باصلاحیته کمېټه وټاکل شوه
د عامې روغتیا وزارت رهبرۍ د حکم پر اساس د مالي او اداري چارو مرستیال، ښاغلي ملا بخت الرحمن شرافت په مشرۍ د څو تنو رئیسانو او مسلکي استادانو په ګډون د خصوصي انسټېټیوټونو د زده ګړیالانو د تحصیلي کچې د کیفیت لوړولو په موخه يوه باصلاحيته كمېټه ټاکل شوې ده
یاده کمېټه د غضنفر روغتیایي علومو انسټېټیوټ د ټولو څانګو د کریکلوم او مفرداتو بیا کتنه کوي او وروسته له کتنې به خصوصي انسټېټیوټونو ته همدغه کریکلوم او مفردات رسوي؛ ترڅو په ټول هېواد کې په یو واحد سیسټم درسونه وویل شي.
همداراز، د خصوصي انسټېټیوټونو ریاستونو چې کوم ډیتابیس جوړ کړی، نوموړې کمېټه به یې په مکمل ډول عملي کولو کې له ریاستونو سره همکاري کوي؛ تر څو بشپړ عملي شي او د تحصیل کیفیت لوړولو لپاره به ټول هغه کارونه پر مخ وړي، چې په هغو سره د تحصیل کیفیت لوړېږي.
