د ننګرهار هسکې مېنې ولسوالۍ د پاپین روغتیایي مرکز ودانۍ د ۲۳۹ زره ډالرو په لګښت جوړه او ګټې اخیستنې ته وسپارل شوه
یاده ودانۍ د ننګرهار عامې روغتیا رئیس، مولوي امین الله شریف له لوري د یو شمېر مسؤلینو په شتون کې ګټې اخیستې ته وسپارل شوه، په مرسته به یې د هسکې مېنې د پاپین شاوخوا کلیو سربېره به د پچیراګام ولسوالۍ د درېو کلیو خلکو ته هم روغتیایي خدمات وړاندې کېږي
دغه ودانۍ د ملګرو ملتونو د کډوالو ادارې (UNHCR) په مالي مرسته جوړه شوه، چې په فعالیت سره به یې د سیمې خلکو ته اړینې روغتیایي اسانتیاوې برابرې شي.
