د ا.ا.ا. د عامې روغتیا وزیر، ښاغلي مولوي نور جلال جلالي او مل پلاوي کندوز ولایت ته د خپل رسمي سفر په ترڅ کې د سیمه ییز روغتون له خدماتي چارو څخه د لیدنې ترڅنګ د یاد روغتون روغتیایي کارکوونکو سره ناسته وکړه
ښاغلي مولوي نور جلال جلالي، چې د مقام د دفتر لوی رئیس شیخ محمد طاهر حلیم، د کندز د عامې روغتیا رئیس ډاکټر محمد الله حکمت او مل پلاوي هم شتون درلود، له روغتیایي کارکوونکو سره د لیدنې پر مهال د دوی له هڅو ستاینه وکړه او سپارښتنه یې وکړه، چې خپل مسئولیتونه په سمه توګه ترسره او په صادقانه ډول د ناروغانو خدمت وکړي.
ښاغلي وزیر زیاته کړه، " د روغتیایي خدمتونو پراختیا او معیاري کولو په موخه ټول هېواد کې د سرطاني ناروغیو مرکزونه، جدي پاملرنو څانګې او تشخیصیه خدماتو پراختیا سربېره روغتیایي پرسونل ته د ظرفیت لوړونې او امکاناتو برابرولو هڅه کوو".
په یاده ناسته کې د مقام د دفتر لوی رئیس شیخ محمد طاهر حلیم، مرکزي رئیسانو او د کندز سیمه ییز روغتون ډاکټرانو د روغتیایي خدماتو ، مسؤلیت او اړتیاوو اړوند ویناوې تر سره وکړې.
