د عامې روغتیا وزیر د یو شمیر مؤسساتو له مسؤلینو سره د روغتیايي خدماتو اړوند له وزارت سره پر دوامداره همغږۍ مجلس تر سره کړ
د افغانستان اسلامي امارت د عامې روغتیا وزیر ښاغلي، مولوي نور جلال جلالي په خپل کاري دفتر کې د یو شمیر نړیوالو مؤسساتو له مسؤولینو او استازو سره د روغتیايي خدماتو پر کیفیت ، په سپینو ساحاتو کې د روغتیايي مراکزو پر جوړولو ، د موازي پروژو پر اوږدمهاله مؤثرو پروژو مدغم کیدنې ، او د روغتیايي خدماتو اړوند له وزارت سره پر دوامداره همغږۍ مجلس تر سره کړ.
په یاد مجلس کې چې د نږدې څوارلس نړیوالو مؤسساتو مسؤولینو او استازو شتون درلود د عامې روغتیا وزارت سره یې پر همغږۍ د تاکید تر څنګ شته ستونزې له ښاغلي وزیر سره شریکې کړې ، ښاغلي وزیر د ستونزو د حل په موخه د ډاډ ورکولو تر څنګ ولسونو ته د ښو خدماتو پر وړاندې کولو ټینګار وکړ ، او زیاته یې کړه ، روغتیايي خدمات باید معیاري او اړمن خلک ترې په غوره شکل مستفید شي چې په دې برخه کې د عامې روغتیا وزارت د خپلې داخلي بودیجې تر څنګ له نړیوالو مرستندویه ادارو او مؤسساتو سره هر ډول مشروع همکارۍ او دوه اړخیزې همغږۍ ته اماده ګي لري.
