په شمالختیځو ولایتونو کې د غیرساري ناروغیو په اړه د عامه پوهاوي پروګرامونه ترسره شول
د عامې روغتیا وزارت د ناروغیو مخنیوي او کنټرول لوی ریاست د غیرساري ناروغیو د کنټرول څانګې مسؤلینو، د غیرساري ناروغیو او د هغو د مخنیوي لارو چارو په اړه د خلکو د پوهاوي کچې لوړولو په موخه بغلان، کندز، تخار او بدخشان ولایتونو کې د عامه پوهاوي پروګرامونه ترسره کړل.
د دغو پروګرامونو په لړ کې د غیرساري ناروغیو د خطر عواملو، د مخنیوي لارو چارو او د سالم ژوند د تګلارې غوره کولو د اهمیت په اړه معلوماتي او وقایوي بروشورونه او پوسټرونه خلکو ته ووېشل شول.
د عامې روغتیا وزارت د غیرساري ناروغیو د مخنیوي او کنټرول مسؤل، ډاکټر محمد سمیع کریمي د عامه پوهاوي موادو وېش د غیرساري ناروغیو د مخنیوي لارو چارو په اړه د خلکو د پوهاوي کچې لوړولو او په ورځني ژوند کې د سالمو کړنو غوره کولو لپاره د خلکو د هڅونې برخه کې یو مثبت ګام وباله.
همدرانګه، له خلکو یې وغوښتل، چې د سالم ژوند د اصولو په رعایتولو او د غیرساري ناروغیو په مخنیوي او کنټرول کې فعاله ونډه واخلي.
