د کابل ښار په نهمه ناحیه کې د غیرالکولي مشروباتو او پاپړو له څلورو تولیدي تاسیساتو څخه نظارت ترسره شو
د عامې روغتیا وزارت د خوراکي توکو د خطر تحلیل، سرويلانس او معیارونو تدوین ریاست مسؤلینو د کابل ښار نهمه ناحیه کې د غیرالکولي مشروباتو او پاپړو څلورو تولیدي تاسیساتو څخه نظارت ترسره کړ
د دغه نظارت پر مهال د GMP، GHP او HACCP اصولو پر بنسټ د تولید په بهیر کې مهمې او بحراني نقطې په ګوته او د فابريکو مسؤلینو ته د ستونزو حل او روغتیايي معیارونو مراعاتولو په اړه لازمې سپارښتنې وشوې.
همدارنګه، د روغتیايي معیارونو د نه مراعاتولو له امله د غیرالکولي مشروباتو د تولید یوه کارخونه وتړل شوه. ۴۰ بوشکې هایدروجن پراکساید او ۱۱ بوشکې له نېټې تېره ذایقه (Flavor) قرنطین او د اړوندو شرکتونو مسؤلينو ته لارښوونه وشوه، چې د فعالیت جواز ترلاسه کولو لپاره د خوړو او درملو معینیت ته مراجعه وکړي.
