د پولیو له منځه وړلو ملي بېړني عملیاتي مرکز رئیس، ډاکټر عبدالقدوس بریالي کندهار ولایت ته د سفر په ترڅ کې د پولیو واکسین له کمپاین څخه نظارت وکړ
په دغه نظارت کې د پولیو له منځه وړلو ملي بېړني عملیاتي مرکز رئیس د کندهار په ژیړۍ او پنجوايي ولسوالیو کې د پولیو واکسین د روان کمپاین له چارو څخه لیدنه وکړه او د لومړۍ کرښې کارکوونکو ته یې د کمپاین د ښه تطبیق په موخه لازمې لارښوونې وکړې.
ډاکټر عبدالقدوس بریالي دغه راز، د یاد کمپاین پوښښ برخه کې د نیمګړتیاوو د له منځه وړلو په اړه اړینې سپارښتنې وکړې؛ تر څو هر ماشوم ته د پولیو واکسین تطبیق شي.
