د عامې روغتیا وزیر د روغتیایي قوانینو د تطبیق او پلټنې رئیس سره وکتل
د عامې روغتیا وزیر، ښاغلي مولوي نور جلال جلالي په خپل کاري دفتر کې د روغتیايي قوانینو د تطبیق او پلټنې رئیس، مولوي محمودالله زاهد سره وکتل.
په دې لیدنه کې د روغتیايي قوانینو د تطبیق او پلټنې رئیس، د یو پریزنټېشن په ترڅ کې د یاد ریاست د فعالیتونو او لاسته راوړنو سربېره په تېر یو کال کې د ترسره شویو نظارتونو راپور د عامې روغتیا وزیر سره شریک کړ او د راتلونکو پلانونو په اړه یې معلومات وړاندې کړل.
د عامې روغتیا وزیر، ښاغلي مولوي نور جلال جلالي د روغتیايي قوانینو د تطبیق او پلټنې ریاست لاسته راوړنې او فعالیتونه واورېدل او دې برخې ته یې په لا زیاتې پاملرنې ټینګار وکړ.
