د عامې روغتیا وزارت کاري شریکانو سره د بېرته راستنېدونکو هېوادوالو روغتیايي ستونزو ته د رسېدنې لپاره د عملیاتي پلان همغږۍ غونډه ترسره شوه

په دې غونډه کې د عامې روغتیا وزارت د روغتیایي خدمتونو وړاندې کولو مرستیال، ښاغلي مولوي عبدالولي حقاني، د وزارت مرکزي رئیسانو، د ملي او نړیوالو ادارو ( WHO، IOM، UNFPA، UNICEF ) او اغاخان خیریه بنسټ استازو ګډون کړی و.

د روغتیايي خدمتونو وړاندې کولو مرستیال، د راستنېدونکو هېوادوالو لپاره د روغتیایي خدماتو ښه والي پر اهمیت ټینګار وکړ او د دې غونډې موخه یې د تېرو غونډو د پرېکړو په تعقیب بېرته راستنېدونکو هېوادوالو ته د روغتیايي خدمتونو وړاندې کولو لپاره د عملیاتي پلان اغېزمن تطبیق برخه کې د همغږۍ رامنځته کول وبلل؛ ترڅو بېرته راستنېدونکو ته په هر اړخیزه او عادلانه توګه خدمتونو وړاندې شي.

ښاغلي مرستیال دغه راز، دې برخه کې د IOM سازمان راپور واورېد او د ټولو داخلي او نړیوالو ادراو له استازو یې وغوښتل؛ ترڅو راستنېدونکو ته د روغتیايي خدمتونو وړاندې کولو کې د عامې روغتیا وزارت سره همکاري وکړي او د ستونزو د حل لپاره ګډه هڅه وکړي.

بل لور د ملي او نړیوالو ادارو (WHO, IOM,UNFPA,UNICEF  ) او اغاخان خیریه بنسټ استازو ژمنه وکړه، چې د عامې روغتیا وزارت سره به د ګډې همغږۍ له لارې به بېرته راستنېدونکو هېوادوالو ته د روغتیايي خدمتونو وړاندې کولو کې همکاري وکړي.