د روغتیايي خدمتونو وړاندې کولو مرستیال په ننګرهار ولایت کې د تطبیق کوونکو مؤسسو له استازو سره ناسته ترسره کړه
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني ننګرهار ولایت ته د سفر په ترڅ کې په دې ولایت کې د روغتیا په برخه کې د تطبیق کوونکو مؤسسو له استازو سره ناسته ترسره کړه
د روغتیايي خدمتونو وړاندې کولو مرستیال په دې ناسته کې د روغتیا په برخه کې د تطبیق کوونکو مؤسسو له استازو وغوښتل، چې هېوادوالو او په ځانګړي توګه په ننګرهار ولایت کې د وروستۍ طبیعي پېښې له امله د زیانمنو شویو سیمو اوسېدونکو ته د روغتیا په برخه کې معیاري او پر وخت خدمات وړاندې او په دې برخه کې له هیڅ ډول هڅو درېغ ونه کړي.
