د روغتیايي خدمتونو د وړاندې کولو مرستیال، ښاغلي مولوي عبدالولي حقاني په خپل کاري دفتر کې د دې وزارت اړوند مرکزي ریاستونو له رئیسانو سره ناسته ترسره کړه
په یاده ناسته کې هېوادوالو ته د غوره روغتیايي خدمتونو پر رسېدو، د ناروغانو روغتیايي ستونزو ته پر وخت رسېدنې او د اړوند ریاستونو تر منځ په غوره او دومداره همغږۍ بحث او خبرې ترسره شوې.
د عامې روغتیا وزارت د روغتیايي خدمتونو د وړاندې کولو مرستیال هېوادالو ته د غوره روغتیايي خدمتونو رسول له خپلو لومړیتوبونو وباله او په همدې موخه یې د مرکزي ریاستونو د مسؤلینو تر منځ همغږي اړینه وبلله او ویې ویل، چې د عامې روغتیا وزارت په هڅه کې دی؛ تر څو د هرې ممکنې لارې په کور دننه هېوادوالو ته غوره روغتیايي خدمتونو وړاندې کړي.
