د تخصصي او ثالثي روغتونونو رئیسانو ته د غوره مدیریت ورکشاپ تر سره شو
د عامې روغتیا وزارت د تخصصي او ثالثي روغتونونو رئیسانو ته د روغتونونو د غوره مدیریت په اړه هر اړخيز روزنيز ورکشاپ پای ته ورسيد چې په پای کې يې نږدې ديرش تنه مسؤولينو ته د فراغت سندونه وويشل شول
په یاد روزنیز ورکشاپ کې د رهبرۍ، د ناروغ خوندیتوب او د ناروغیو د پېښو مدیريت په اړه ګډونوالو ته بشپړ معلومات وړاندې شول .
د عامې روغتیا وزارت د معالجوي طب رئيس دوکتور احمد سير پاڅون د یاد روزنیز ورکشاپ په اړه وويل، ياد ورکشاپ ناروغانو ته د معیاري روغتیايي خدماتو وړاندې کولو او په روغتونونو کې د روغتیايي پرسونل ظرفیت لوړولو په برخه کې به خورا مؤثر ثابت شي.
د تخصصي او ثالثي روغتونونو رئیس، دوکتور وحدت الکوزي وویل یاد روزنیز ورکشاپ به په نږدې راتلونکي کې د روغتونونو د اداري برخې کارکوونکو، ډاکټرانو او نرسانو ته هم په لاره واچول شي.
