د اکمال تخصص د ترینر متخصصینو د دویمې دورې وروستۍ پایلې اعلان شوې
د عامې روغتیا وزارت د اکمال تخصص عمومي ریاست د ترینر متخصصینو د دویمې دورې وروستۍ پایلې، چې مخکې یې تحریري او عملي ازموینه ورکړې وه نن اعلان کړې!
په دې ازموینه کې ۳۹ تنه هغه نوماندان چې لوړې نمرې یې ترلاسه کړي، د اسنادو له راتلونکو قانوني پړاوونو له بشپړېدو وروسته به په مرکز کابل او ولایتي تخصصي روغتونونو کې د خپلې خوښې اړوند څانګو ته ور وپېژندل شي.
د یادونې وړ ده، چې په هېواد کې د اسلامي امارت د واکمنېدو راپدېخوا د عامې روغتیا وزارت د اکمال تخصص ریاست توانېدلی، چې د مرکز کابل او ولایتونو په تخصصي روغتونونو کې ۸۸ تنه د ترینر متخصصینو په توګه وګماري، چې یاده لړۍ اوس هم دوام لري.
