د عامې روغتيا وزارت د مرستیال سفر خوست ولایت ته
د ا.ا.ا د عامې روغتيا وزارت د روغتيايي خدمتونو وړاندې کولو مرستیال، ښاغلي مولوي عبدالولي حقاني او مل پلاوي خوست ولايت ته د سفر پرمهال د دې ولايت له والي، مولوي عبدالقيوم روحاني سره لیدنه تر سره کړه
په دغه لیدنه کې چې د خوست د عامې روغتيا رئيس، ډاکټر احمد مجاهد هم شتون درلود، د عامې روغتيا وزارت د روغتيايي خدمتونو وړاندې کولو مرستیال، ښاغلي مولوي عبدالولي حقاني خوست ولايت د خپل سفر موخه چې د روغتيايي خدمتونو د ښه والي او معیاري خدمتونو وړاندې کولو په موخه د نظارت ترسره کولو له لارې د ستونزو په ګوته کول او ورته د حل لارې چارې پيدا کول دي تشريح کړ.
د خوست والي مولوي عبدالقيوم روحاني ياد پلاوي ته د ښه راغلاست ويلو تر څنګ په دې ولايت کې د روغتيايي خدمتونو د معياري کولو او پراختيا غوښتنه وکړه.
