د ا.ا.ا د عامې روغتیا وزارت مالي او اداري چارو مرستیال، ښاغلي ملا بخت الرحمن شرافت په خپل کاري دفتر کې د ګلوبل فنډ او UNDP سازمان له استازو سره وکتل
په دې کتنه کې په بلخ، لوګر او کندهار ولایتونو کې د اکسیجن پلانټونو او جدي مراقبت خونو د وسایلو برابرولو او جوړولو اړوند خبرې ترسره شوې.
ښاغلي مرستیال، د خپلې وینا په ترڅ کې په یادو ولایتونو کې د اکسیجن پلانټونو او جدي پاملرنې خونو لپاره د وسایلو برابرول اړین وباله او د اړوندو ادارو یې د چارو چټکتیا او کیفیت ته د پاملرنې غوښتنه وکړه.
بل لور راغلو استازو د چارو چټکتیا او تجهیزاتو برابرېدو برخو کې د ملاتړ ژمنه څرګنده کړه.
