په هلمند ولایت کې د یو شمیر خصوصي روغتیایي مرکزونو څخه لیدنه تر سره شوه
د عامې روغتیا وزارت خصوصي سکټور د همغږۍ او تنظیم رئیس، ډاکټر احمد خندان او مل تخنیکي ټیم نیمروز او هلمند ته د سفر پر مهال له یو شمېر خصوصي روغتیايي مرکزونو څخه لیدنه ترسره کړه
دغه لیدنه کې د خصوصي سکټور د همغږۍ او تنظیم رئیس، د هغه روغتیايي مرکزونو له مسؤلینو څخه چې تر دې دمه یې له جوازونو پرته فعالیت درلود وغوښتل، چې قانوني جوازونه ترلاسه او روغتیايي مرکزونه د قانون سره سم عیار کړي، چې اړوندو مسؤلینو ژمنه وکړه، د دوو میاشتو په موده کې به د جوازونو اخیستلو په موخه د عامې روغتیا وزارت ته مراجعه کوي او اړوند کارونه به یې طی مراحل کوي.
د یادې لیدنې پرمهال همداراز، د هغه روغتیايي مرکزونو مسؤلینو ته، چې قانوني جوازونه یې درلودل سپارښتنې وشوې؛ ترڅو هېوادوالو ته د عامې روغتیا وزارت د لارښودونو سره سم معیاري روغتیايي خدمتونه وړاندې کړي، چې هغوی هم د خصوصي سکټور د همغږۍ رئیس ته د روغتیايي مرکزونو معیاري کولو او روغتیايي خدمتونو د کیفیت لوړولو ډاډ ورکړ.
