ننګرهار روداتو ولسوالۍ کې له خصوصي روغتیایي سکټور او پروان سیاه ګرد ولسوالۍ کې د خوراکي توکو پلورنځیو او درملتونونو څخه نظارت ترسره شو
د ننګرهار عامې روغتیا ریاست د څارنې او پلټنې امریت له لوري د یاد ولایت روداتو ولسوالۍ اړوند شهیدانو مېنه کې له خصوصي روغتیایي سکټور څخه نظارت ترسره شو؛ چې پایله کې یې درې کتنځایونه، د سټار سراپا کلینیک لابراتوار او زېږون خونه د قانوني سر غړونې له امله وتړل شو.
همدارنګه، د پروان سیاه ګرد ولسوالۍ کې د ۳۰ درملتونونو او ۸۰ بابه خوراکي توکو پلورنځیو څخه نظارت وشو او اړوند مسؤلینو ته یې لازمې سپارښتنې وشوې.
د یاد نظارت په پایله کې ۲۸۵ قلمه له نېټې تېر درمل او ۴۸ قلمه بې کیفیته خوراکي توکي، چې شاوخوا ۶ ټنه کېږي، را ټول او د له منځه وړلو په موخه مرکزي ګودام ته ولېږدول شول.
