د روغتیايي چوپړتیاوو مرستیال کاپیسا ولایت ته د خپل رسمي سفر پرمهال دې ولایت کې د تطبیق کوونکو مؤسسو له استازو سره ناسته ترسره کړه
د افغانستان اسلامي امارت د عامې روغتیا وزارت د روغتیايي چوپړتیاوو مرستیال، ښاغلي مولوي عبدالولي حقاني او ورسره مل پلاوي کاپیسا ولایت ته د خپل رسمي سفر پرمهال دې ولایت کې د تطبیق کوونکو مؤسسو له استازو سره ناسته ترسره کړه
په دغه ناسته کې د عامې روغتیا وزارت د روغتیايي چوپړتیاوو مرستیال، ښاغلي مولوي عبدالولي حقاني د تطبیق کوونکو مؤسسو مسئولینو ته سپارښتنې وکړې، چې ژر تر ژره شته ستونزو ته رسېدنه ترسره او د روغتیايي خدمتونو بهیر کې اسانتیاوې رامنځته کړي.
ښاغلي مرستیال دغه راز زیاته کړه، کاپیسا ولایت کې دې تطبیق کوونکې مؤسسې ورسپارل شوي مسئولیتونه په سمه توګه ترسره، په چارو کې دې روڼتیا رامنځته او د روغتیايي کارکوونکو ظرفیت لوړونې برخې ته دې پاملرنه زیاته کړي.
بل لور د تطبیق کوونکو مؤسسو مسئولینو په یاده ناسته کې د خپلو فعالیتونو او لاسته راوړنو شریکولو سربېره د شته ستونزو د ژر حل ډاډ ورکړ.
