د کابل ښار په یو شمیر سیمو کې نظارت تر سره شو
د عامې روغتیا وزارت د چاپیریال روغتیا ریاست د څارنې او پلټنې ټیم له لوري د کابل ښار په ۱۰مه، ۱۱مه او ۱۷مه ناحیه کې له یو شمېر نانواېيو، خوراکي توکو پلورنځیو، حمامونو او هوټلونو څخه نظارت ترسره شو.
د دې نظارت موخه د عامې روغتیا معیاري شرایطو ارزونه، د روغتیایي خدمتونو کیفیت لوړول او د ساري ناروغیو مخنیوي لپاره لازم اقدامات وو.
د چاپیریال روغتیا ریاست د څارنې او پلټنې ټیم به خپلو نظارتي فعالیتونو ته دوام ورکړي، ترڅو د خوراکي توکو د خوندیتوب، حفظ الصحې او د عامې روغتیا معیارونه لا پیاوړي شي.
