د وزیر محمد اکبر خان روغتون اړوند د وسایطو تم ځای بیارغلو پروژې د تړون ورکړې خبرتیا

د تدارکاتو قانون د دري څلویښتمې مادې د دويمې فقرې سره سم، له دې لارې ټولو داوطلبانو ته خبر ورکول کیږي، چې د عامې روغتیا وزارت تدارکاتو ریاست په پام کې لري چې د وزیر محمد اکبر خان روغتون اړوند د وسایطو تم ځای بیارغلو پروژه چی د تړون شمیره یی(MOPH /NCB/1402/W-06)ده. د (محب فیضي ودانیز، سرک جوړونې او لوژستیکي چوپړتیاوو شرکت) ته ورکړي، یاد شرکت (D–01-2027) ګڼې جواز لرونکی او اصلي موقعیت یې (کارته بخدی، مرکز بلخ، مزارشریف، بلخ) کې دی. د تړون لومړنۍ بیه (2,046,480) دوه میلیونه شپږ څلویښت زره څلور سوه او اتیا افغانۍ ده.

د حقیقي او حکمي اشخاصو هر ډول نیوکو په صورت کې دوي کولای شي چې د تدارکاتو قانون پنځوسمې مادې سره سم خپله نیوکه په لیکلی بڼه د لاملونو په ذکر کولو سره د اعلان خپریدو له نیټې تر اوو تقویمي ورځو د عامې روغتیا وزارت د تدارکاتو ریاست اړوند ساختماني تدارکاتو آمریت ته، چې د عامې روغتیا په څلور لارې کې موقعیت لري، وسپاري.

دا خبرتیا د تړون د لاسلیک کولو په معنی نده او د پورته ذکر شوې مودې او د راتلونکو قانوني پړاوونو تر بشپړیدو به تړون نه لاسلیک کیږي.