د عامې روغتیا وزارت رهبرۍ بورډ ناسته ترسره شوه
یاده ناسته د عامې روغتیا وزیر، ښاغلي مولوي نور جلال جلالي په مشرۍ د وزارت مرستیالانو او رئیسانو په شتون کې ترسره شوه، چې په کې د تېرو ناستو د پرېکړو، اکمال تخصص برنامې پخوانیو فارغانو ته د اکمال تخصص فراغت نوي سندونو د ورکړې، تخار ولایت کې د سیمه ییزو کلینیکونو فعالیت، کمپرهنسیف ازموینې ۵۰۰ فارغ متخصیصینو ته د تخصصي سندونو د وېش او د عدلیې طب ټریني ډاکټرانو لپاره د کلینیکي تخصص اړوند بحث او خبرې ترسره شوې.
د عامې روغتیا وزیر، ښاغلي مولوي نور جلال جلالي د پورته ذکر شویو موضوعاتو د چارو چټکتیا په موخه بېلا بېلې تخنیکي کمېټې وګمارلې؛ ترڅو پر ټاکلي وخت او سمه توګه ورته رسېدنه وشي.
په دې ناسته کې دغه راز، د روغتیا وزارت مرستیالانو او مرکزي رئیسانو د هغو مسؤلیتونو راپور وړاندې کړ، چې د رهبرۍ شورا په تېره ناسته کې دوی ته سپارل شوي وو او ټینګار وشو چې ذکر شویو موضوعاتو ته پر ټاکلي وخت رسېدنه ترسره شي.
