د عامې روغتیا وزارت د تخصصي او ثالثي روغتونونو رئیس، ډاکټر امین الله مومند او مل پلاوي د انتاني ناروغیو درملنې تخصصي روغتون څخه لیدنه وکړه
د تخصصي او ثالثي روغتونونو رئیس په دې لیدنه کې د روغتون بېلابېلې تشخیصیه، معالجوي او اداري څانګې وکتلې، د روغتیايي خدمتونو وړاندې کولو بهیر او موجوده امکانات یې له نږدې وارزول او د چارو د لا ښه تنظیم، د خدمتونو د کیفیت لوړولو او شته ستونزو د حل په موخه یې اړوندو مسؤلینو ته لازمې سپارښتنې وکړې.
همدارنګه، د یاد روغتون مسؤلینو خپلې ستونزې، اړتیاوې او وړاندیزونه له پلاوي سره شریک کړل، چې د بشپړې رسېدنې او لازمې پاملرنې ډاډ ورکړل شو.
