د عامې روغتیا وزارت د اکمال تخصص لوی ریاست اړوند د اکاډمیکو چارو انسجام ریاست د علمي کمیټې ناسته ترسره شوه
یاده ناسته د تخصصي روغتونونو د استادانو په همکارۍ جوړه شوې وه، چې په کې د ننگرهار، کندهار، هرات، وزیر محمد اکبرخان او نور IAM تخصصي روغتونونو څخه وړاندې شوي ۲۰ پروپوزلونه او ۱۰ مونوګرافونه د اړوندو استادانو له لوري وارزول شول او د راتلونکو اجرااتو لپاره اړینې پرېکړې وشوې.
د اکمال تخصص لوی ریاست تل هڅه کړې، چې د تخصص پروګرام د ښه والي لپاره علمي معیارونه پلي او د ډاکترانو، استادانو او تخصصي روغتونونو د ټریني ډاکترانو د علمي کچې لوړولو زمینه برابره کړي؛ ترڅو هېوادوالو ته اغېزمن تخصصي روغتیایي خدمات وړاندې شي.
