د روغتیایی خدمتونو وړاندې کولو مرستيال د افغان ـ جاپان روغتون څخه ليدنه وکړه
دوشنبه، جوزا ٢/ا ۱۴۰۱
د عامې روغتیا وزارت د روغتیايي خدمتونو وړاندې کولو مرستیال ډاکټر حبیب الله آخندزاده په کابل کې د افغان-جاپان له روغتون څخه لیدنه وکړه او په دغه روغتون کې یې د روغتیايي خدمتونو د وړاندې کولو ارزونه وکړه.
د عامې روغتیا وزارت مرستیال د دغه روغتون د هغو روغتیايي کارکوونکو له هڅو مننه وکړه چې شپه او ورځ د ناروغانو په خدمت کې دي او مسوولینو ته یې لارښوونه وکړه چې د ناروغانو د روغتیا په برخه کې لا زیاتې هڅې وکړي.
له بلې خوا د د افغان ـ جاپان روغتون رؽيس ډاکتر زلمي رشتين د اړو کسانو لپاره د روغتيايي خدمتونو د وړاندې کولو او پاملرنې ډاډ ورکړ او ژمنه يې وکړه چې د دغه روغتون روغتيايي کارکوونکي به د ناروغانو خدمت وکړي، او ٢٤ ساعته به د ناروغانو په چوپړ کې وي او دوي به له هېڅ ډول هڅو څخه ډډه ونکړي.
د افغان-جاپان دغه ۱۲۰ بستریز روغتون د روغتیا نړیوال سازمان (WHO) او دفتر (HEALTH NET TPO) په همکارۍ تمویلیږي، چې په کرونا ویروس اخته ناروغانو ته ۲۴ ساعته روغتیايي خدمتونه وړاندې کوي.
