د عامې روغتیا وزارت د طبي شورا لوی رئیس، ډاکټر فقیر محمد زیار بامیان ولایت ته د سفر په ترڅ کې د یاد ولایت د عامې روغتیا له رئیس، ډاکټر جواد حکیمي سره لیدنه وکړه
په دې لیدنه کې د روغتیايي خدمتونو د کیفیت لوړولو، روغتیايي کارکوونکو د ظرفیت لوړولو، د مسلکي معیارونو مراعتولو، همکاریو د پیاوړتیا او له روغتیايي مرکزونو څخه د دوامداره نظارت په اړه بحث او خبرې تر سره شوې.
همداراز، د دې سفر په ترڅ کې د طبي شوره لوی رئیس، د بامیان ولایتي روغتون او له یو شمېر نورو خصوصي روغتونونو څخه لیدنه وکړه، د خدمتونو بهیر یې وارزوه، موجوده ستونزې یې په نښه او اړوندو مسؤلینو ته یې د ستونزو حل په موخه لازمې سپارښتنې وکړې.
