د عامې روغتیا وزارت د څارنې او پلټنې لوی رئیس، ښاغلي ډاکتر عنایت الله عنایت په مشرۍ د خصوصي سکټور د روغتیایي مرکزونو د ستونزو حل په موخه د همغږۍ غونډه تر سره شوه
په یاده غونډه کې د خصوصي سکټور د همغږۍ رئیس ښاغلي داکتر احمد خندان، د روغتیايي تاسیساتو د پلټنې رئیس ښاغلي مولوي محمود الله زاهد، د طبي شورا د ډاکترانو او روغتیايي کارکونکو د ثبت او جواز صادرولو ریئس ښاغلی حمدالله قاضي پامیر صاحب زاده او د اړوندو ریاستونو د تخنیکي او نظارتي برخو استازو ګډون درلود
په دغه غونډه کې چې موخه یې د ګډ نظارت د فعالیتونو ارزونه، د شته ستونزو تحلیل او د دوامدارې همغږۍ د پیاوړتیا لپاره د حل لارو موندل وو، پر مهال یې د ګډ نظارت مسئولینو له لوري د روانو فعالیتونو په اړه تفصیلي راپور وړاندې شو، چې په رڼا کې يې د خصوصي روغتونونو او کلینیکونو د خدماتو د معیاري کولو، د باکیفیته او دوامداره نظارت، او د عامه او خصوصي سکټور ترمنځ د همکارۍ د لا پیاوړتیا لپاره مهم وړاندیزونه شریک شول.
