د نظارت رییس د آغان خان تطبیق کوونکي موسسې مسئولینو سره ناسته ترسره کړه
د عامې روغتیا وزارت، د نظارت رییس ډاکټر کریم الله حلیمي بدخشان، تخار او بغلان ولایتونو کې د روغتیايي خدمتونو ښه والي په موخه د آغان خان تطبیق کوونکي موسسې مسئولینو سره ناسته ترسره کړه.
په دې ناسته کې د نظارت رییس د تطبیق کوونکي موسسې مسئولینو ته په یادو ولایتونو کې د نظارت شویو روغتیايي مرکزونو راپور وړاندې او ورته یې سپارښتنه وکړه چې د ستونزو پر حل غور وکړي.
په یاده ناسته کې د آغاخان تطبیق کوونکو موسسې مسئولینو ډاډ څرګند کړ، چې په یادو ولایتونو کې به د روغتیايي خدمتونو ښه والي په موخه شته ستونزو ته پر وخت رسېدګي وکړي.
