د عامې روغتیا سرپرست وزیر د نړیوالو موسسو له استازو سره وکتل

Panah_moph
Wed, Apr 13 2022 12:45 PM
د عامې روغتیا سرپرست وزیر د نړیوالو موسسو له استازو سره وکتل

چهارشنبه، ۲۴ وری ۱۴۰۱

د عامې روغتیا سرپرست وزیر ډاکټر قلندر عباد نن د روغتیا د نړیوال سازمان(WHO)، یونیسف (UNICEF) ، UNFPA او د روغتیا په برخه کې د نورو مرستندویه ادارو له استازو سره وکتل.

په دې کتنه کې د عامې روغتیا وزارت او تطبیق کوونکو ادارو ترمنځ د لا زیاتې همغږۍ، حساب ورکونې او شفافیت په اړه خبرې وشوې.

د عامې روغتیا سرپرست وزیر له روغتیايي خدمتونو وړاندې کوونکو سره پر لا زیاتې همغږۍ او حساب ورکونې ټینګار وکړ او له ټولو روغتیايي خدمتونو وړاندې کوونکو یې وغوښتل چې د بودیجې پلانونه، قراردادونه او د قراردادونو تصویب له عامې روغتیا وزارت سره شریک کړي.

ډاکټر عباد په ولايتونو کې د روغتيايي خدمتونو د وړاندې کولو د بنسټونو پر کړنو هم نيوکه وکړه او ويې ويل، چې د دغو بنسټونو ډېرى کړنې موږ ته د منلو وړ نه دي او بايد په دې برخه کې جدي همغږي رامنځته شي.

همدارنګه یې په افغانستان کې له ټولو نړیوالو موسسو څخه چې په افغانستان کې فعالیت کوي د اسلامي امارت په ملاتړ ټینګار وکړ او ویې ویل چې موږ په افغانستان کې ستاسو امنیت تامینولو ته ژمن یو.

له بلې خوا د غونډې برخه والو د افغانستان د سکټور پر ملاتړ ټینګار وکړ او ژمنه یې وکړه چې د همغږۍ د پیاوړتیا او د روغتیايي خدمتونو د وړاندې کولو په برخه کې به ښه والی رامنځته کړي.

Latest news

Sun, Oct 19 2025 2:33 PM
Background image

Bid Opening Held for the Construction of a General Hospital in Dand-e-Ghori District of Baghlan and Shinwari District of Parwan Province

The process was conducted in the presence of Mohammad Younis Ghalib, Director of Procurement at the Ministry of Public Health; officials from the Offer Opening committee and. . .

Sun, Oct 19 2025 11:27 AM
Background image

Seven-Day Polio Vaccination Campaign Initiated in Laghman, Nuristan, and Kunar Provinces

The campaign was inaugurated in the presence of Dr. Abdul Quddus Baryalai, Director of the National Emergency Operations Center at the Ministry of Public Health, alongside several other. . .

Sun, Oct 19 2025 11:24 AM
Background image

Deputy Minister for Finance and Administration Chairs Meeting on Procurement and Pharmaceutical Oversight

The Deputy Minister for Finance and Administration of the Ministry of Public Health, Qari Abdul Wali Siddiqi, convened a meeting with the officials of Kabul Medical University, Security. . .

BACK TO NEWS