د ابن سینا صدري، ملالۍ، رواني روغتیا، کیور او نور IAM په تخصصي روغتونونو کې د اکمال تخصص پروګرام د پرمختګ درېیم پړاو نظارت ترسره شو
دا نظارت د اکمال تخصص پروګرام د نیمګړتیاوو او متخصصو ټرینرانو او ټريني ډاکټرانو د ستونزو حل په موخه د اکمال تخصص لوی ریاست اړوند د عملیاتي ریاست د نظارتي ټیمونو له لوري د ابن سینا صدري، ملالۍ، رواني روغتیا، کیور او نور IAM په تخصصي روغتونونو ترسره شو.
په پیل کې یادو ټیمونو د ذکر شویو روغتونونو له مسؤلینو سره د اکمال تخصص لوی ریاست موخه ته د رسېدو او د اکمال تخصص پروګرام د معیاري کولو په اړه خبرې وکړې.
سربېره پر دې، په یاده ناسته کې د کریکولم تطبیق، چې په کې علمي کنفرانسونه، (Logbook، bedside teaching ،Morning report، Morning visit، Case presentation) شامل دي، د اهمیت په اړه خبرې ترسره شوې؛ ځکه چې دا موضوعات د ډاکټرانو د علمي کچې او مسلکي وړتیاوو په لوړولو کې اساسي رول لري.
د یادونې وړ ده، چې دا بهیر د مرکز په ټولو تخصصي او ولایتي روغتونونو او همدارنګه، په متممو تخصصي (نظامي او خصوصي) مرکزونو کې هم د تطبیق وړ دی.
