ننګرهار او لغمان ولایتونو کې له خصوصي روغتیایي سکټور څخه نظارت تر سره شو.
یاد نظارت چې د څارنې او پلټنې امریت له لوري تر سره شو؛ پایله کې یې د ننګرهار ولایت بټي کوټ ولسوالۍ کې د یو خصوصي روغتیایي مرکز لابراتوار او اکسری خونه د قانوني سرغړونې له امله وتړل شوه او د لغمان ولایت مرکز اړوند درملو یو شمېر پلورنځیو څخه "۲۱" قلمه له نېټې تېر درمل راټول او د له منځه وړلو په موخه ټاکل شوي ځای ته ولېږدول شول.
دغه راز، یو روغتیایي کتنځای د قانوني سرغړونې له امله وتړل شو.
یاد نظارت کې اړوندو مسؤلینو ته د کیفیت ښه والي او قانون مراعتولو په اړه لازمې سپارښتنې وشوې، چې د نه مراعتولو په صورت کې به له قانوني چلند سره مخ شي.
