د عامې روغتیا وزارت سرپرست د بې پولې ډاکترانو بنسټ له عمومي رییس سره وکتل

Panah_moph
Mon, Aug 09 2021 5:11 PM
د عامې روغتیا وزارت سرپرست د بې پولې ډاکترانو بنسټ له عمومي رییس سره وکتل

دوشنبه، زمری ١٨/١٤٠٠

د عامې روغتیا وزارت سرپرست، ډاکتر وحید مجروح، د بې پولې ډاکتر بنسټ (ام اس اف) له عمومي رییس ښاغلي فلیپي ریبیریو سره د خپل کار په دفتر کې لیدنه او خبرې وکړې.

په دغه لیدنه کې په هېواد کې د بې پولې ډاکترانو بنسټ د خدمتونو وړاندې څرنګوالي او له دې بنسټ سره د عامې روغتیا وزارت پر ګډو همکاریو باندې بحث او تبادل د نظر وشو.

د عامې روغتیا وزارت سرپرست، د بې پولې ډاکترانو بنسټ او ټولو ډاکترانو څخه په هغه ولایتونو کې چې اوسمهال جګړه دوام لري او په خدمت بوخت دي مننه وکړه او په افغانستان کې یې د دې بنسټ پر پیاوړتیا ټینګار وکړ.

دغه راز ډاکتر مجروح، وویل: د تروما پېښو ته د لاسرسي ترڅنګ جنګي ولایتونو په روغتیایي مرکزونو کې ورځني فعالیتونه باید پیاوړي شي ترڅو اړمنو کسانو ته په دې برخه کې لاسرسی وشي.

ښاغلي فلیپي ریبیریو د عامې روغتیا وزارت سره د دې بنسټ په ګډه همکارۍ ټینګار وکړ، ویې ویل: په پام کې لرو چې د تروما پېښو یو ٢٥ بستریز واحد په کندهار ولایت کې رامنځته کړو او همدارنګه په کندز، هلمند او نورو ولایتونو کې چې دغه بنسټ هلته خدمتونه وړاندې کوي د یو اندازه درملو او تجهیزاتو مرسته کوي.

ښاغلي فلیپي ژمنه وکړه چې د په هرات ولایت کې به بېړني، اطفالو/ماشومانو او کورونا خدمتونو ته دوام ورکوي.

هغه همدارنګه له یاد بنسټ سره د عامې روغتیا وزارت د همکارۍ له امله مننه وکړه او د روغتیایي خدمتونو وړاندې کولو په برخه کې یې د عامې روغتیا وزارت کړنې د ستاینې وړ وبللې.

بې پولې ډاکتر، په خوست، کندهار، هلمند، هرات او کندز ولایتونو کې فعالیت کوي او د عامې روغتیا وزارت ترڅنګ خلکو ته روغتیایي خدمتونه وړاندې کوي.

Latest news

Mon, Oct 26 2020 3:34 PM
Background image

End of the three-day IT workshop for provincial IT officers of the Ministry of Public Health

The workshop, which was held from October 24 to 26, 2020, ended with the awarding of certificates to the information technology officials of the provinces by Dr. Abdul Qadir Qadir,. . .

Wed, Feb 12 2020 3:24 PM
Background image

MoPH held an emergency meeting with international health partners to fight against the spread and control of COVID-19

Today MoPH conduct an emergency meeting regarding the prevention, spread and control of COVID-19 in Afghanistan and called on international partners for cooperation.

Minister of Public. . .

Tue, May 28 2019 12:50 PM
Background image

The Minister of Public Health of Afghanistan becomes a member of GAVI Alliance Board of Directors

As a member he will be representing the Developing Countries Constituency on the GAVI Alliance Board. Congratulations to all.

It is a great honor for Afghanistan.

BACK TO NEWS