د زابل ولایت د ولسوالیو روغتیايي مرکزونو ته د څه باندې یو میلیون او اووه سوه زره (۱،۷۰۰،۰۰۰) افغانیو په ارزښت درې یخچالونه وسپارل شول
د عامې روغتیا وزارت په هڅو د یونیسف ادارې له لوري د زابل ولایت د شملزي ولسوالۍ د جنګيخېلو کلینیک، د اټغر ولسوالۍ د سورخاب کلینیک او د بابک کلینیک ته د څه باندې یو میلیون او اووه سوه زره (۱،۷۰۰،۰۰۰) افغانیو په ارزښت درې یخچالونه وسپارل شول.
دغه یخچالونه د درملو، واکسینونو او نورو اړینو طبي توکو د مناسبې او معیاري ساتنې په موخه اخيستل شوي، چې په فعاليت سره به يې یادو روغتیايي مرکزونو کې د درملو او واکسینونو د معیاري ساتنې زمینه لا ښه برابره او د روغتیايي خدمتونو د کیفیت په لوړولو کې به اغېزمن رول ولوبوي.
