د عامې روغتیا وزارت د څارنې او پلټنې لوی رئیس، ډاکټر عنایت الله عنایت په مشرۍ له خصوصي روغتیايي مرکزونو څخه د ګډ نظارت راپور اړوند ناسته ترسره شوه
په دې ناسته کې د خصوصي سکټور د همغږۍ رئیس، د روغتیايي تاسیساتو څخه د پلټنې رئیس، د طبي شورا شکایتونو ته د رسیدنې ریاست او د روغتیايي خدمتونو د څارنې او پلټنې ریاست غړو ګدون کړی و، چې په کې د چک لیست مطابق د ګډ نظارت پایله کې د ترسره شویو ارزونو مفصل راپور شریک او په اړه یې هر اړخیز بحث وشو.
دغه راز پرېکړه وشوه، چې کوم روغتیايي مرکزونه د نظارتي ټیم له لوري تړل کېږي، باید بیا پرانیستل یې اصولو او قوانینو ته په پام سره وړاندیز شي او راپور یې د څارنې او پلټنې لوی ریاست سره شریک شي؛ تر څو د وزارت محترم مقام ته وړاندې او په اړه یې اجراات وشي.
