د پلان ګذارۍ او راپور ورکولو تر عنوان لاندې یو ورځنی روزنیز ورکشاپ ترسره شو
د عامې روغتیا وزارت د پلان او پالیسۍ عمومي ریاست له لوري د بېلا بېلو ادارو مسؤلینو او کارکوونکو ته د پلان ګذارۍ او راپور ورکولو تر عنوان لاندې یو ورځنی روزنیز ورکشاپ ترسره شو
په دې ناسته کې د عامې روغتیا وزارت د پلان او پالیسۍ عمومي رئیس، ډاکټر میرویس احمدزي یاد ورکشاپ د یو منظم پلان او ستراتېژې جوړولو په برخه کې اړین ګام یاد کړ او له ګډونوالو یې وغوښتل، چې له دې روزنیز ورکشاپ اغېزمنه ګټه واخلي؛ ترڅو د پلان ګذارۍ او راپور ورکولو برخو کې شته ستونزې حل او راپور په وخت ورکړل شي.
له بل لوري د پلان او پالیسۍ ریاست تخنیکي کارکوونکي سید فرهاد هاشمي د یو پریزنټېشن په ترڅ کې د پلانګذارۍ، راپور ورکولو، کلني او ربع وار پلان جوړولو په اړه ګډونوالو ته معلومات وړاندې کړل.
