د عامه تغذیې رئیس د کونړ ولایت د عامې روغتیا رئیس او د تطبیق کوونکو مؤسسو له مسؤلینو سره ناسته ترسره کړه
د عامې روغتیا وزارت د عامه تغذیې رئیس، ښاغلي ډاکټر محمد وزیر حامد کونړ ولایت ته د خپل سفر په ترڅ کې د دې ولایت د عامې روغتیا رئیس، ښاغلي قاري مظفر خان مخلص او د تطبیق کوونکو مؤسسو له مسؤلینو سره ناسته ترسره کړه.
په دې ناسته کې د عامې روغتیا وزارت د عامه تغذیې رئیس، ډاکټر محمد وزیر د تطبیق کوونکو مؤسسو مسؤلینو او د تغذیې برخې کارکوونکو ته د خپل سفر په اړه معلومات وړاندې کړل او د تغذیې برخې خدمتونو د ښه والي په موخه یې د تطبیق کوونکو مؤسسو مسؤلینو او کارکوونکو ته لازمې سپارښتنې ترسره کړې.
کونړ ولایت ته د عامې روغتیا وزارت د عامه تغذیې د رئیس، ډاکټر محمد وزیر حامد د سفر موخه د عامه تغذیې په برخه کې د روغتیايي خدمتونو څخه ارزونه او نظارت و.
