د کابل ښار د خصوصي او دولتي سکتور د فعالیتونو د څارنې ملي کمېټې د ارزونې پایلې د یوې ناستې په ترڅ کې اعلان شوې

Panah_moph
Sun, Jan 09 2022 9:43 AM
د کابل ښار د خصوصي او دولتي سکتور د فعالیتونو د څارنې ملي کمېټې د ارزونې پایلې د یوې ناستې په ترڅ کې اعلان شوې

د عامې روغتیا وزارت د روغتیایي خدمتونو وړاندې کولو مرستیال ډاکترعبدالباري عمر، د پالیسۍ او پلان مرستیال ډاکتر حسن غیاثي د شنبه ورځ د جدي ۱۸ په کابل کې د یوې ناستې په ترڅ کې د خصوصي او دولتي سکتور د فعالیتونو د څارنې ملي کمېټې د ارزونې پایلې اعلان کړې. 

د روغتيايي خدمتونو وړاندې کوولو مرستیال ډاکترعبدالباري عمر، د دې ارزونې پايلې د روغتيا په برخه کې يوه ستره لاسته راوړنه وبلله او زیاته یې کړه چې د څارنې او ارزونې ملي کمېټه وتوانېده چې په ډېر کم وخت کې ۱۱۰ روغتونونه چې درې یې بې جوازه ۳۷۱ معاینه خانې چې ۱۲۸ بې جوازه وې، ۶۸ سراپا کلینیکونه چې ۳۴ دانې یې بې جوازه و، ۲۲ تشخیصیه کلینیکونه چې ۶ دانې یې بې جوازه و وارزوي. 

سربېره پر دې ډاکتر عمر زیاته کړه: چې د دې ترڅنګ دغه کمېټه توانیدلې چې ۱۳۹ لابراتوارونه چې ۵۷ یې بې جوازه، ۵۷۶ درملتونونه چې ۹۶ یې بې جوازه، ۸۵ د درملو توریدي شرکتونه چې درې یې بې جوازه، ۲۰۲ د درملو عمده پلورنځي چې اووه یې بې جوازه، ۱۴ د اکسرې کلینیکونه چې ۳ بې جوازه، ۱۶ دولتي روغتونونه او څلور تولیدي فابریکې وارزوي.

همدارنګه د روغتیایي خدمتونو وړاندې کولو مرستیال د هېواد په مرکز او ولایتونو کې د دولتي او خصوصي سکتور د دغه ارزونو د دوام په اړه ګډونوالو ته خبر ورکړ او د روغتیايي خدمتونو وړاندې کولو د کیفیت په لوړولو، د روغتیايي سیستم پر معیاري کولو، د روغتیايي سیستم په اصلاح او ظرفیت لوړولو او په هېواد کې ټولو روغتیایي خدمتونو وړاندې کولو ته په اسانه لاس رسي باندې ټینګار وکړ.

له بلې خوا د عامې روغتیا وزارت د پالیسۍ او پلان مرستیال ډاکتر حسن غیاثي، د دغو پروګرامونو د تعقیب او جدیت او دغه راز په هېواد کې د اړمنو کسانو ته د روغتیایي سکتور په برخه کې د لا زیاتو اسانتیاوو د رامنځته کېدو خبر ورکړ او ژمنه یې وکړه چې د عامې روغتیا وزارت مشرتابه به په دغه برخه کې لا زیاتې هڅې وکړي.

Latest news

Wed, Jul 09 2025 1:55 PM
Background image

Nationwide Inspection Campaign Leads to Closure of 87 Pharmacies and Seizure of Unsafe Medicines in Kabul

Kabul – The Inspection and Monitoring Directorate, operating under the Deputy Minister’s Office of Food and Drugs at the Ministry of Public Health, conducted a comprehensive inspection. . .

Wed, Jul 09 2025 1:46 PM
Background image

Deputy Minister Leads Strategic Health Coordination Meeting with Cooperative Foundations in Balkh Province

Balkh, Afghanistan – Malawi Bakht-ur-Rahman Sharafat, the Deputy Minister for Administrative and Financial Affairs at the Ministry of Public Health, paid an official visit to Balkh. . .

Sun, Jul 06 2025 10:28 AM
Background image

Deputy Minister of Public Health Visits Noor National and Specialized Eye Hospital in Kabul

Kabul — The Deputy Minister of Finance and Administration of the Ministry of Public Health, Mawlawi Bakht-ur-Rahman Sharafat, paid an official visit to Noor National and Specialized Eye. . .

BACK TO NEWS