د اکمال تخصص لوی ریاست خبرتیا!

د هغو درنو ډاکټرانو د پام وړ، چې تېرې ټرینري ازموینه کې بریالي شوي او د عامې روغتيا وزارت د  ۱۴۰۵ لمریز کال د تخصص پروګرام ته شامل شوي دي.

په ټینګار سره د خپلې مخکينۍ خبرتیا (د 1447/10/12 نېټې) په تعقیب لیکو:

د دې ریاست د وړاندیزونو او د وزارت د مقام د 1447/11/10 نېټې د حکمونو پر بنسټ، هغو درنو ډاکټرانو ته چې تېرې ټرینري ازموینه کې بریالي او د عامې روغتیا وزارت د تخصص پروګرام کې شامل شوي؛ خو تر اوسه یې د خپلې P2 د ترلاسه کولو لپاره د کارکوونکو چارو لوی ریاست ته مراجعه نه ده کړې او یا یې د خپلې ګمارنې پروسه نه ده بشپړه کړې، خبر ورکول کېږي چې ژر تر ژره د دې خبرتیا له خپرېدو وروسته ۱۴۰۵ د ثور میاشتې تر ۱۵مې نېټې پورې د تقرر او ګمارنې  پروسې د بشپړولو لپاره د کارکوونکو چارو لوی ریاست ته مراجعه وکړي او  خپل اسناد  اړوند روغتون ته وسپاري.

که چېرې په پورته ټاکلې موده کې یاد ریاست ته مراجعه ونه کړي یا خپل بشپړ اسناد اړوند روغتون ته تسلیم نه کړي؛ نو د هغوی بستونه به بيا ځلې ازموینو لپاره اعلان شي او وروسته به د شکایت حق نه لري.

یادونه: نوماندان کولای شي د اړتیا په صورت کې د نورو معلوماتو لپاره له دې واټس اپ شمېرې (0788209637) له لارې اړیکه ونیسي.