خبرتیا!
عامې روغتیا وزارت د روغتیا نړیوال سازمان په مالي او تخنیکي همکارۍ د فیستول ناروغانو د درملنې لپاره د کندهار په میرویس او د کابل په رابعه بلخي روغتونونو کې دوه مجهز مرکزونه جوړ کړي دي؛ نو ټولو درنو ناروغ لرونکو ته خبر ورکول کېږي، چې خپل ناروغان د درملنې لپاره یادو روغتونونو ته بوځي.
ولادي فیستول څه شی دی؟
فیستول یا ناسور یو غیر طبیعي نری تونل یا لاره ده، چې د بدن دوه داخلي غړي یو له بل سره یا یو داخلي غړی د پوستکي له سطحې سره نښلوي. دا غیر طبیعي اړیکه اکثر د نه درمل شوو التهابونو (لکه د مقعد آبسه) یا د زېږون پر مهال د میندو د ټپونو له امله رامنځته کېږي.
د ولادي فیستول نښې نښانې:
دوامدار او ضرباني درد، بد بوی لرونکې ترشحات، بیا بیا آبسه پیدا کېدل، خارښت او سوځښت، د ناسور د خولې ښکاره کېدل، تبه او رېږدېدل او د بد احساسۍ ستونزې.
له همدې امله، هغه ټولې میندې او خویندې چې له دې ډول ستونزو کړېږي، کولای شي یادو روغتونونو ته مراجعه وکړي.
